2021 йил 13-15-октябрь кунлари Ўзбекистон Республикаси Олий Мажлиси Сенати Раиси Т.Нарбаева бошчилигидаги делегациянинг “Хотин-қизлар: янги воқеликдаги глобал миссия” форумида иштирок этиш учун Россия Федерацияси (Санкт-Петербург)га ташрифи бўлиб ўтади.
Ушбу форум замонавий дунёдаги аёлларнинг ролини муҳокама қилиш ва глобал муаммоларни ҳал этишда умумий ёндашувларни ишлаб чиқиш учун етакчи аёлларни бирлаштирадиган энг йирик халқаро майдон ҳисобланади.
Делегациянинг Санкт-Петербург шаҳрида бўлиши давомида Россия Федерацияси парламенти, шунингдек, халқаро тузилмалар ва ташкилотлар раҳбарлари билан бир қатор икки томонлама учрашувлар ўтказиши назарда тутилган.
Бундан ташқари, делегациянинг “Хотин-қизларнинг тинчлик ва ишонч дипломатиясини ривожлантиришдаги миссияси” парламентлараро мулоқотнинг ялпи мажлисида иштирок этиши режалаштирилган.