Конституциявий ислоҳотлар – бардавом тараққиёт асоси – Қонунчилик муаммолари институти
Конституциявий ислоҳотлар

 “Ўзбекистон Республикасининг Конституциясига ўзгартиш ва қўшимчалар киритиш тўғрисида”ги Ўзбекистон Республикасининг Конституциявий қонуни лойиҳаси моҳияти ва аҳамиятига бағишланган тарғибот ишлари айни кунларда юртимизнинг барча ҳудудларида қизғин давом этмоқда.

   Шундай тадбирлардан бири Ўсимликлар карантини ва ҳимояси агентлигида ҳам ташкил этилди.

  Унда асосий маърузачилар сифатида Конституциявий комиссия ҳузуридаги эксперт гуруҳи аъзоси, Тошкент давлат юридик университети профессори, юридик фанлар доктори, профессор Восит Эргашев ҳамда Олий Мажлис ҳузуридаги Қонунчилик муаммолари ва парламент тадқиқотлари институти бош илмий ходими, юридик фанлар номзоди Саидаҳмад Ишанходжаев иштирок этиб, улар томонидан Агентлик ходимларига Конституциявий қонун лойиҳасининг мазмуни ҳақида батафсил тушунтиришлар берилди.

  Сўз олганлар Конституциявий қонун лойиҳаси билан амалдаги Бош қомусимизда сифатли ва малакали тиббий хизмат ҳамда таълимни ташкил этиш ва ривожлантириш, хусусий мулк дахлсизлигини кафолатлаш, фуқаролик жамияти институтларининг мақомини ва экологик муҳофаза каби кўплаб инсон ва жамият ҳаётига доир муҳим масалалар конституциявий даражада мустаҳкамланаётганини таъкидлаб ўтишди.

    Тадбир савол-жавобларга бой бўлди.

Leave a comment

Email manzilingiz chop etilmaydi. Majburiy bandlar * bilan belgilangan