Навбатдаги манзил Шўрчи – Қонунчилик муаммолари институти
Янгиликлар

  Европа Иттифоқи томонидан молиялаштирилаётган БМТ Тараққиёт Дастури билан ҳамкорликдаги “БМТ Тараққиёт Дастури томонидан танланган пилот ҳудудлар маҳаллий давлат ҳокимияти органлари ҳузурида Жамоатчилик-маслаҳат кенгашларини тузиш” лойиҳаси доирасида Олий Мажлис ҳузуридаги Қонунчилик муаммолари ва парламент тадқиқотлари институти томонидан навбатдаги семинар-тренинг ўтказилди.

   Бу галги манзил Сурхондарё вилоятининг Шўрчи тумани бўлди.

  Семинар-тренинг Қонунчилик муаммолари ва парламент тадқиқотлари институти бўлим бошлиғи, юридик фанлар доктори, профессор Алим Акилов томонидан олиб борилди.

  Жараёнда туман ҳокимияти ва халқ депутатлари Кенгаши ҳузурида тузилган Жамоатчик-маслаҳат кенгашлари билан туман ҳокими томонидан кўриб чиқилаётган масалалар (қарор, дастур лойиҳаси ёки муайян тадбирлар)га оид маслаҳатлар бериш ҳамда ҳудуддаги долзарб масалалар юзасидан жамоатчилик назоратини амалга ошириш бўйича машғулотлар ўтказилди.

   Машғулотларда таклифлар тайёрлаш билан бирга тумандаги объектларни кўздан кечириш, бунда замонавий ахборот-коммуникация технологияларидан фойдаланиш, натижаларни шакллантириш ва расмийлаштириш каби масалалар кўриб чиқилди.

   Тадбирда маҳаллий Кенгаш депутатлари, туман ҳокимлиги ва жамоатчилик вакиллари иштирок этди.

Leave a comment

Email manzilingiz chop etilmaydi. Majburiy bandlar * bilan belgilangan