Айни вақтда Тошкент вилояти Паркент тумани ҳокимлигида Олий Мажлис Сенати қўмита раислари Қутбитдин Бурханов, Малика Қадирханова ва ИИВ Академияси профессори Шариф Қобиловларнинг Халқ депутатлари туман Кенгаши депутатлари ва котибият раҳбар ҳамда аъзолари, доимий комиссия аъзолари билан учрашуви бўлиб ўтмоқда. – Қонунчилик муаммолари институти
Янгиликлар

Унда халқ депутатлари Паркент тумани Кенгаши аъзолари тўғридан-тўғри, Тошкент вилоятининг қолган туман-шаҳар Кенгашлари депутатлари, котибият мудирлари видеоалоқа воситаси орқали иштирок этмоқда.

Учрашув давомида янги таҳрирдаги «Виждон эркинлиги ва диний ташкилотлар тўғрисида»ги Ўзбекистон Республикаси  Қонуни, Давлат раҳбари томонидан 2021 йил 6 июль куни имзоланган «Коррупцияга қарши муросасиз муносабатда бўлиш муҳитини яратиш давлат ва жамият бошқарувида коррупциявий омилларни кескин камайтириш ва бунда жамоатчилик иштирокини кенгайтириш тўғрисида»ги 6257-Фармони ҳамда «Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида»ги Қарори мазмун-моҳияти, шунингдек республикамизда хотин-қизларни қўллаб-қувватлаш ва гендер тенглигини таъминлаш борасида амалга оширилаётган ишлар, уларнинг халқаро ҳамжамиятлар томонидан эътироф этилаётгани борасида сўз бормоқда. 

Ўзбекистон Республикаси
Олий Мажлиси Сенатининг
Ахборот хизмати

www.senat.uz

Leave a comment

Email manzilingiz chop etilmaydi. Majburiy bandlar * bilan belgilangan