ЎЗБЕКИСТОН РЕСПУБЛИКАСИ ОЛИЙ МАЖЛИСИ ҲУЗУРИДАГИ ҚОНУНЧИЛИК МУАММОЛАРИ ВА ПАРЛАМЕНТ ТАДҚИҚОТЛАРИ ИНСТИТУТИНИНГ 2019 ЙИЛНИНГ ОЛТИ ОЙИ ДАВОМИДАГИ ФАОЛИЯТИ ТЎҒРИСИДА МАЪЛУМОТ
2019 йилнинг олти ойи давомида Институт томонидан 44 та қонун лойиҳаси тайёрланди.
Жумладан:
“Давлат моддий заҳиралари тўғрисида”ги қонун лойиҳаси;
“Давлат рамзлари тўғрисида”ги қонун лойиҳаси;
“Асаларичилик тўғрисида”ги қонун лойиҳаси;
“Дончилик тўғрисида”ги қонун лойиҳаси;
“Тўловлар ва тўлов тизимлари тўғрисида”ги қонун лойиҳаси;
“Ногиронлиги бор шахсларни ҳимоя қилиш тўғрисида”ги қонун лойиҳаси;
“Валютани тартибга солиш ва назорати тўғрисида”ги қонун лойиҳаси;
“Нодавлат-нотижорат ташкилотлар тўғрисида”ги қонун лойиҳаси (янги таҳрири);
“Иссиқлик таъминоти тўғрисида”ги қонун лойиҳаси;
“Реклама тўғрисида”ги қонун лойиҳаси (янги таҳрири);
“Йўл ҳаракати хавфсизлиги тўғрисида”ги қонун лойиҳаси (янги таҳрири) ва бошқалар.
“Ўзбекистон Республикасида савдо фаолияти асослари тўғрисида”ги қонун лойиҳаси;
“Ҳукуматни шакллантириш тартиби демократлаштирилиши ва унинг масъулияти кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳаси;
“Ижтимоий тадбиркорликни давлат томонидан қўллаб-қувватлаш механизмларининг такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳаси;
“Ўзбекистон Республикаси Олий Мажлиси бюджетини шакллантириш ва ижро этишнинг янги механизмлари жорий этилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳаси;
Шунингдек, Институт томонидан
таклиф ва тавсиялар тайёрланди.
Ҳисобот даврида Олий Мажлис палаталарида кўриб чиқилган 40 дан ортиқ қонун лойиҳалари илмий-ҳуқуқий экспертизадан ўтказилди.
Институт томонидан “Mening fikrim” веб-портали модератори сифатида портал фаолиятини такомиллаштиришга қаратилган бир қатор ишлар амалга оширилди. Жумладан, Олий Мажлис палаталари Кенгашларининг 2019 йил 2 февралдаги Қўшма қарори билан “Mening fikrim” веб-порталида мурожаатларни кўриб чиқишга ваколатли давлат органлари қаторига Вазирлар Маҳкамаси киритилди.
Мазкур даврда веб-порталга 800 дан ортиқ жамоавий мурожаат келиб тушди ва турли соҳаларга оид 100 га яқин жамоавий мурожаат веб-порталга жойлаштирилди, 4 та жамоавий мурожаат етарли овоз тўплади ва 2 та мурожаат бўйича тегишли қарор қабул қилинди.
Институт томонидан халқаро алоқаларни кенгайтириш мақсадида 20 дан ортиқ халқаро учрашувлар, давра суҳбатлари ва семинарлар ўтказилди. Жумладан, Институт томонидан 26 апрель куни Корея Республикаси Қонунчилик вазирлиги билан ҳамкорликда “Қонун ижодкорлигида замонавий ёндашувлар: Ўзбекистон ва Корея тажрибаси” мавзусида ҳамда 15-16 май кунлари Германиянинг Халқаро ҳуқуқий ҳамкорлик фонди (IRZ) билан бирга “Қонун ҳужжатларининг тартибга солиш самарадорлигини баҳолаш: Ўзбекистон ва Германия тажрибаси” мавзусида халқаро семинарлар ўтказилди.
Шунингдек, Институт Халқаро кутубхоналар ассоциациялари федерациясига (IFLA — “International Federation of Library Associations”) аъзо бўлди. Жорий йилнинг 26 апрель куни Институт ва Корея Республикаси Қонунчилик вазирлиги ўртасида ҳамкорлик тўғрисида ўзаро англашув Меморандуми имзоланди.