Халқаро ҳамкорлик – Қонунчилик муаммолари институти

Хорижий парламентлар иши тажрибасини унинг самарали шаклларидан Ўзбекистон Республикаси Олий Мажлиси палаталари, депутатлар ва сенаторлар фаолиятида фойдаланиш мақсадида ўрганиш бўйича салмоқли ишлар амалга оширилди.

Ўтган давр мобайнида ушбу йўналишда 20 дан зиёд халқаро ташкилотлар билан учрашувлар, 20 маротаба халқаро семинар, давра суҳбати ва конференциялар, 10 маротаба стажировкалар амалга оширилди.

   БМТ Тараққиёт Дастури, ЮНЕСКОнинг ваколатхонаси, Европа Иттифоқининг делегацияси, ЕХҲТ ваколатхонаси, Германиянинг К.Аденауэр, Ф.Эберт, Халқаро ҳуқуқий ҳамкорлик фондлари, Туркия Ҳамкорлик ва мувофиқлаштириш агентлиги (TIKA), АҚШ Халқаро ҳамкорлик агентлиги (USAID), Буюк Британиянинг Вестминистр демократия фонди вакиллари билан учрашувлар ўтказилиб, миллий қонунчиликни такомиллаштиришда халқаро тажрибани ўрганиш, қонунчиликнинг долзарб муаммолари бўйича биргаликда тадбирлар ўтказиш, Институт ходимларининг хорижий давлатлар илмий-тадқиқот марказларида стажировкасини ташкил этиш бўйича бир қатор келишувларга эришилди.

Жумладан,

– 2018 йилнинг 9 апрель куни Корея Республикаси Миллий Ассамблеяcи Тадқиқот маркази вакиллари иштирокида «Мажбурий тиббий суғурта: Корея Республикаси тажрибаси»; 11-12-апрель кунлари «Сиёсий маконда илмий ишларни олиб боришда халқаро стандартлар»; 11-13 апрель кунлари К.Аденауэр фонди билан ҳамкорликда «Менинг фикрим» интернет-портали – Парламент ва жамият ўртасида ўзаро алоқа воситаси”; Германия Халқаро ҳамкорлик жамияти (GIZ) ва Германия Халқаро ҳуқуқий ҳамкорлик фонди (IRZ) билан ҳамкорликда 7-8 май кунлари «Қонун лойиҳаларини тайёрлашнинг замонавий услубиёти»; 24 май куни Германия Халқаро ҳамкорлик жамиятининг Ўзбекистондаги ваколатхонаси билан ҳамкорликда «Маъмурий адлия ва суд ишларини юритишнинг долзарб масалалари: миллий ва хорижий тажриба»; 3-4 сентябрь кунлари Фридрих Эберт номидаги жамғарма (Германия)нинг Ўзбекистондаги ваколатхонаси билан ҳамкорликда норма ижодкорлиги соҳасида Германия тажрибасини ўрганишга бағишланган халқаро семинар; Вестминистр демократия фонди билан ҳамкорликда 13-14-ноябрь кунлари «Парламент ва унинг тадқиқот хизмати фаолиятида стратегик режалаштириш: Буюк Британия ва Ўзбекистон тажрибаси» мавзусида; 11-12 декабрь кунлари “Норма ижодкорлиги фаолиятини такомиллаштириш: хорижий тажрибанинг қиёсий таҳлили” мавзусида, 15 декабрь куни «Парламент, давлат бюджетлаштириши ва молиялаштириши, молиявий назорат: хорижий тажрибанинг қиёсий таҳлили»; 18-20 декабрь кунлари «Норма ижодкорлиги жараёнини такомиллаштиришда парламент тадқиқот хизматларининг роли: Буюк Британия тажрибаси»;

– 2019 йилнинг 26 апрель куни Корея Республикаси Қонунчилик вазирлиги билан ҳамкорликда «Қонун ижодкорлигида замонавий ёндашувлар: Ўзбекистон ва Корея тажрибаси» мавзусида ҳамда 15-16 май кунлари Германиянинг Халқаро ҳуқуқий ҳамкорлик фонди (IRZ) билан бирга «Қонун ҳужжатларининг тартибга солиш самарадорлигини баҳолаш: Ўзбекистон ва Германия тажрибаси» мавзусида халқаро мавзуларида халқаро семинарлар ташкил этилди.

   2018 йил 1 февралда ЕХҲТнинг Ўзбекистондаги лойиҳалари коодинатори билан, 22 февралда Корея Республикаси Миллий Ассамблеяси Тадқиқот маркази билан, 14 мартда Туркия Буюк Миллат Мажлиси Тадқиқотлар Бошқармаси билан, 30 майда Қирғизистон Жогорку Кенеши Девонининг Илмий-тадқиқот маркази билан, 22 июнда Конрад Аденауэр номидаги Фонднинг Ўзбекистондаги ваколатхонаси билан, 31 июлда Фридрих Эберт номидаги фонднинг Ўзбекистондаги ваколатхонаси билан, 6 августда Вестминистер Демократия Фонди ва Британиянинг Ўзбекистондаги элчихонаси билан, 30 ноябрь куни Шимолий Ирландия Ассамблеяси Тадқиқот ва Ахборот-ресурс хизмати билан ўзаро ҳамкорлик тўғрисидаги меморандумлар имзоланди.

   2018 йил 13-18 март кунлари Туркия Республикасига, 7-9 ноябрь кунлари Корея Республикасига, 26 ноябрь – 1 декабрь кунлари Буюк Британия ва Шимолий Ирландияга Институт ходимларидан иборат делегация хизмат сафарини амалга оширди.

   KOICA дастури асосида 2018 йил 19-28 ноябрь кунлари Корея Республикаси давлат хизматига оид қонунчилик ва амалий тажрибани ўрганиш мақсадида ташкил этилган хизмат сафарида, 26-29 ноябрь кунлари Қирғизистон Республикасининг Бишкек шаҳрида бўлиб ўтган «Марказий Осиёга доир Жиноят ишлари бўйича одил судловга бағишланган Еттинчи Экспертлик Форумида», 2019 йилнинг 18-20 апрель кунлари Тожикистон Республикасининг Душанбе шаҳрида бўлиб ўтган «Марказий Осиё мамлакатларида маъмурий ҳуқуқни ислоҳ қилиш: муаммо ва истиқболлар» мавзусидаги халқаро давра сухбатида Институт ходимлари иштирок этди.